2020 оны мал тооллогын урьдчилсан дүнг танилцууллаа.

Нийтэлсэн: 2021 он 01 сар 14. 08 цаг 29 минут
Аймгийн Статистикийн хэлтсийн дарга О.Түмэнжаргал мал тооллогын урьдчилсан дүнгээр МҮОНРТ болон орон нутгийн хэвлэл мэдээллийнхэнд мэдээлэл өглөө. Өвөрхангай аймаг 2020 онд 4479.1 мянган толгой мал тоолуулжээ. Үүнд Тэмээ 26.5 мян.толгой, Адуу 280.1 мян.толгой, Үхэр 251.8 мян.толгой, Хонь 2114.9 мян.толгой, Ямаа 1805.6 мян толгой мал тоолсон байна.Энэ нь өмнөх онтой харьцуулахад 20.3 хувиар буурсан байна. Аймгийн хэмжээнд нийт малтай өрхийн тоо 19813 болсны 17464 нь малчин өрх, 2349 нь мал бүхий өрх байна.Нийт малчдын тоо 28333 байна. Үүний 35 хувь нь зээлтэй, 34.8 хувь нь нийгмийн даатгалд хамрагдсан байна. Зээлтэй малчдын 24.0 хувийг 25-34 насныхан, 21.0 хувийг 35-44 насныхан, 20.0 хувийг 45-54 насныхан эзэлж байна. Нийгмийн даатгалд хамрагддаг малчдын 55.0 хувь нь 35-54 насныхан байна. Нийт малчдын 11483 буюу 41.8 хувийг эмэгтэйчүүд эзэлж байна.
Дэлгэрэнгүй

2020 оны 12 сарын нийгэм, эдийн засгийн инфографик

Нийтэлсэн: 2021 он 01 сар 13. 09 цаг 16 минут
Аймгийн хэмжээнд 2020 оны эхний 12 дугаар сард 2428 хүүхэд шинээр мэндэлж, 483 хүн нас барсан байна. Хүн амын цэвэр өсөлт 1945 болж өмнөх оны мөн үеийнхээс 3.6 хувиар буурчээ. 1000 хүнд ногдох төрөлт 20.9, нас баралт 4.2 байгаа нь өмнөх оны мөн үеийнхтэй харьцуулахад төрөлт 1.4 пунктээр, нас баралт 0.8 пунктээр тус тус буурсан байна.
Дэлгэрэнгүй

МАЛ ТООЛЛОГЫН ХЯНАЛТААР АЖИЛЛАСАН АЖЛЫН ХЭСЭГ ТАЙЛАНГАА ТАВЬЖ, АЖЛЫН ХЭСГИЙН ҮЙЛ АЖИЛЛАГААНД ҮНЭЛГЭЭ ДҮГНЭЛТ ӨГЛӨӨ.

Нийтэлсэн: 2021 он 01 сар 06. 09 цаг 57 минут
2020 оны жилийн эцсийн мал тооллогын ажилд хяналт тавих ажлын хэсэг 9 чиглэлд ажиллалаа. Ажлын хэсэг бүр батлагдсан хуваарийн дагуу 2 суманд ажиллаж өвөлжилтийн байдалтай танилцан, мал тооллогын зохион байгуулалт, тооллогын явц, тооллогын дүнг мэдээллийн санд мэдээлэл оруулахад гарч буй хүндрэл бэрхшээлийг газар дээр нь шийдвэрлэсэн байна. Ажлын хэсэг бүр хяналтаар явсан ажлын тайлангаа тавьж, сумдад зохион байгуулагдаж байгаа тооллогын явцад үнэлгээ дүгнэлт өгч, гарсан зөрчил дутагдал, цаашид анхаарах зүйлийг албан тоотоор сумдад хүргүүлэхээр боллоо. Мөн малчдаас ирүүлсэн санал, хүсэлтийг аймгийн удирдлагуудад дамжуулж, хэрхэн шийдвэрлэсэн талаар сумдад мэдээлэх ажлыг зохион байгууллаа.
Дэлгэрэнгүй

Мал тооллогын онлайн сургалтыг зохион байгууллаа.

Нийтэлсэн: 2020 он 12 сар 16. 07 цаг 13 минут
Өвөрхангай аймгийн 19 сумын Статистикийн асуудал эрхэлсэн ажилтнууд болон сум, багийн Засаг дарга нарыг оролцуулан Мал, тэжээвэр амьтад, хашаа худгийн 2020 оны тооллогын семинарыг онлайнаар зохион байгууллаа. Тооллого явуулах ажлын хэсгийг сумдад байгуулж, тооллогыг чанартай явуулахад чиглэсэн бэлтгэл, зохион байгуулалтын ажлыг сум, багийн түвшинд хангуулах, тооллогын ажилтнуудыг сургах, тооллогын комисст ажиллахаар томилогдсон хүмүүсийн халдвар хамгааллын дэглэмийг сахин ажиллах хариуцлагыг өндөржүүлж, тооллогын ажлыг зохион байгуулалтын өндөр түвшинд хариуцлагатай, чанартай явуулах үүрэг чиглэлийг өглөө.
Дэлгэрэнгүй

2020 оны мал, тэжээвэр амьтад, хашаа худгийн тооллого эхэллээ.

Нийтэлсэн: 2020 он 12 сар 16. 03 цаг 31 минут
Монгол Улсын Засгийн газрын 2020 оны 12 дугаар сарын 09-ний өдрийн 208 дугаар тогтоолоор мал, тэжээвэр амьтдын 2020 оны жилийн эцсийн тооллогын товыг шинэчилж 12 дугаар сардаа багтаан зохион байгуулахаар болсон байна. Монгол Улсын Статистикийн тухай хуулийн 7 дугаар зүйлийн ‘’в’’ заалт, Монгол Улсын Захиргаа, нутаг дэвсгэрийн нэгж, удирдлагын тухай хуулийн 29.1.1 зүйлийн ‘’г’’ заалтын дагуу энэ жилийн нөхцөл байдалтай уялдуулан тооллогыг зохион байгуулна. Энэ жилийн мал тооллогод 19233 өрхийн 5600 гаруй мянган толгой малыг тооллогод бүрэн хамруулна.
Дэлгэрэнгүй

Нийгэм, эдийн засгийн байдлын 11 сарын танилцуулга хэвлэгдэн гарлаа.

Нийтэлсэн: 2020 он 12 сар 15. 02 цаг 20 минут
Аймгийн хэмжээнд 2020 оны эхний 11 дугаар сард 2218 хүүхэд шинээр мэндэлж, 447 хүн нас барсан байна. Хүн амын цэвэр өсөлт 1771 болж өмнөх оны мөн үеийнхээс 5.5 хувиар буурчээ. 1000 хүнд ногдох төрөлт 19.2, нас баралт 3.9 байгаа нь өмнөх оны мөн үеийнхтэй харьцуулахад төрөлт 1.5 пунктээр, нас баралт 0.7 пунктээр тус тус буурсан байна.
Дэлгэрэнгүй

Хэлтсийн ажилчдын дархлааг дэмжлээ.

Нийтэлсэн: 2020 он 12 сар 09. 09 цаг 23 минут
Дэлхийн хэмжээний цар тахал, ковид 19-оос урьдчилан сэргийлэх зорилгоор хэлтсийн ажилтан, албан хаагчид, судлаач нарыг гар ариутгагч, амны хаалт, гутлын гадуур өмсөх углаашаар хангаж байгаа бөгөөд хэлтсийн ажилтан, албан хаагчид, судлаач нарт аарц, чацаргана, витамин с-гээр хангаж ажиллалаа.
Дэлгэрэнгүй

Хэлтсийн албан хаагчдыг вакцинд хамрууллаа.

Нийтэлсэн: 2020 он 12 сар 09. 08 цаг 57 минут
Ажилтан, албан хаагчдын эрүүл мэндийг хамгаалах зорилгоор өрхийн эрүүл мэндийн төвтэй хамтран томуугийн вакциныг бүх ажилтан, албан хаагчдад хийлгэлээ.
Дэлгэрэнгүй

7 хоногийн үнийн мэдээ
/2021 оны 2-р сарын 17-ны байдлаар/
Нэр төрөл Үнэ/төг/
Гурил, I зэрэг, кг 1300
Хонины мах, кг 8500
Үхрийн мах, кг 10000
Ямааны ястай мах, кг 6500
Элсэн чихэр, кг 2500
Цагаан будаа, кг 2400
Шингэн сүү, л 4000
Ноолуур, кг

64000

Бензин, А-80 1450
Бензин, А-92 1500
Дизель түлш 2000
Боодолтой өвс, 25 кг 15000

Үнийн динамик ЭНД ДАРЖ татаж авна уу

 

 
https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/?ref=br_rs

 

                

        Та санал, хүсэлтээ үлдээнэ үү.

Та статистик мэдээллийг байнга авч байхыг хүсвэл ЭНД ДАРЖ бүртгүүлнэ үү.