Өвөрхангай аймгийн хөдөө аж ахуйн салбарын 2017 оны дэлгэрэнгүй танилцуулга мэдээлэл хэрэглэгч нарт хүрлээ.

Нийтэлсэн: 2018 он 04 сар 02. 16 цаг 28 минут
Манай улсын үндсэн хуулинд мал сүргийг үндэсний баялаг мөн гэж томъёолж, энэ ч утгаараа мал тооллогыг улсын хэмжээнд жил бүр зохион байгуулж, үр дүнг нь макро түвшинд хийгддэг тооцоо, судалгаанд ашиглаж, салбарын талаар удирдлагын шийдвэр гаргах мэдээллийн гол эх үүсвэр болгон ашиглаж байна. Статистикийн тухай Монгол Улсын хуулийн 7 дугаар зүйлийн 1 дэх заалт, Монгол Улсын Засгийн газрын 2003 оны 224 дүгээр тогтоолын дагуу статистикийн хэлтэс мал, тэжээвэр амьтад, тэжээлийн тооллогыг аймгийн хэмжээнд явуулж үр дүнг нэгтгэн гаргадаг. Мал тооллогын дүнг нэгтгэн дүгнэсэн энэхүү танилцуулга нь мал аж ахуйн салбарын өнөөгийн байдалд дүгнэлт хийж, цаашид авч хэрэгжүүлэх арга хэмжээг боловсруулах, төлөвлөхөд суурь мэдээлэл нь болох юм.
Дэлгэрэнгүй

Олон улсын эмч нарын эрхийг хамгаалах өдөр тохиож байна.

Нийтэлсэн: 2018 он 03 сар 30. 14 цаг 31 минут
Гуравдугаар сарын 30-ны энэ өдрийг дэлхий нийтийн хэмжээнд эмч нарын эрхийг хамгаалах өдөр болгон тэмдэглэдэг уламжлалтай билээ. Тэртээ 1933 онд Эдора Браун гэгч Америк эмч мэдээгүйжүүлэх тариа хэрэглэн өвчтөнд ямар ч өвдөлт мэдрүүлэлгүйгээр хоолойн хавдрыг авч байсан түүхтэй юм. Энэхүү арга нь эрүүл мэндийн салбарт шинэ нээлт болж, мэс заслын шинжлэх ухаан болон хөгжсөн юм. Тиймээс 1991 онд АНУ-ын Ерөнхийлөгчийн дэмжлэгтэйгээр энэ өдрийг Олон улсын эмч нарын эрхийг хамгаалах өдөр болгон тэмдэглэж заншжээ. Уг өдрөөр эдгэрч эрүүл болсон хүмүүс эмчдээ чин сэтгэлийн үгээ хэлж талархалаа илэрхийлдэг юм. Өвөрхангай аймгийн хэмжээнд 2017 оны жилийн эцсийн байдлаар нийт 258 их эмч ажиллаж байна. Нийт эрүүл мэндийн салбарын ажилчиддаа баярын мэнд хүргэе.
Дэлгэрэнгүй

Статистикийн хэлтсийн ажилтнууд, статистикийн улсын байцаагч нарын хамт 2018 оны ажлын төлөвлөгөөний дагуу зарим сумдад ажиллалаа.

Нийтэлсэн: 2018 он 03 сар 23. 18 цаг 07 минут
Статистикийн хэлтсийн даргын баталсан 2018 онд сумдад ажиллах графикийн дагуу 2018 оны 3 сарын 22-23-ны өдрүүдэд эхний 2 сумдад ажиллалаа. Тус хэлтсийн дарга болон Аймгийн Эрүүл мэндийн газрын статистикийн улсын байцаагч, хэлтсийн мэргэжилтнүүд Хайрхандулаан, Нарийнтээл сумдад ажиллан ЗДТГазрын статистикийн асуудал эрхэлсэн ажилтнууд, багийн Засаг дарга нар мөн сумын эрүүл мэндийн төвийн статистик хариуцсан ажилтнууд, эмч мэргэжилтнүүдэд анхдагч мэдээний үндэслэл, бодит байдал дээр анхаарч ажиллах тал дээр зөвлөн тусалж, статистик мэдээллийг тархаах, сурталчилах тал дээр арга зүйн зөвлөгөө өгч, хамтарч ажиллав.
Дэлгэрэнгүй

Математик, статистик загварчлалын улсын анхдугаар уралдаан зохион байгуулж байна.

Нийтэлсэн: 2018 он 03 сар 21. 10 цаг 48 минут
Үндэсний статистикийн хороо нь Ерөнхий боловсролын сургуулийн 10-12 дугаар ангийн сурагчдын дунд бодит амьдралд тулгамдаж буй асуудлыг статистикийн мэдээлэлд тулгуурлан математик, статистикийн арга техникийг ашиглан шийдвэрлэх, судалгаа хийх, илтгэл бичих, дүн шинжилгээ хийх чадавхыг хөгжүүлэх зорилготой “Тогтвортой хөгжлийн зорилго-2030 ба хуванцар хог хаягдлын аюул” сэдэвт Математик, статистик загварчлалын улсын анхдугаар уралдааныг Монголын математикийн багш нарын академи болон Монгол Улсын их сургуулийн Хэрэглээний Шинжлэх Ухаан, Инженерчлэлийн Сургуулийн Хэрэглээний математикийн тэнхимтэй хамтран зохион байгуулж байна.
Дэлгэрэнгүй

Статистикийн хэлтсээс сумдын Эрүүл мэндийн төвийн эрхлэгч болон статистикч эмч нарын сургалтанд мэдээлэл хийлээ.

Нийтэлсэн: 2018 он 02 сар 07. 14 цаг 13 минут
Аймгийн Засаг Даргын дэргэдэх Статистикийн хэлтсийн дарга О.Түмэнжаргал 2018 оны 02 сарын 06-нд сумдын Эрүүл мэндийн төвийн эрхлэгч болон статистикч эмч нарын сургалтанд хамтран оролцож, Статистикийн хэлтсийн үйл ажиллагааны талаар болон статистик мэдээ, тайлан гаргахад анхаарах асуудлуудын талаар мэдээлэл хийлээ.
Дэлгэрэнгүй

"ОНГИЙН ЖАВАР 2018" арга хэмжээнд оролцлоо.

Нийтэлсэн: 2018 он 02 сар 05. 17 цаг 31 минут
Өвлийн аялал жуулчлалыг хөгжуулэх, үндэсний уламжлалт мөсний наадгай тоглоом, өвлийн спортын төрлийг сурталчилан таниулах, нийтийн биеийн тамирыг хөгжүүлэх зорилгоор зохион байгуулсан "ОНГИЙН ЖАВАР 2018" арга хэмжээнд Статистикийн хэлтэс нь аймгийн БОАЖГ, ОТГСГЗахиргаа, Аудитын газартай хамтран баг болон оролцож хэлтсийн ажилтан Д.Чулуунцэцэг "Үндэсний хувцастай сайхан хос" төрөлд хосын хамт тэргүүн байр эзэлж, багийн дүнгээр тэргүүллээ.
Дэлгэрэнгүй

Аймгийн Засаг даргын дэргэдэх Статистикийн хэлтэс нь МУ-ын Аудитороос итгэл үзүүлсэн "ЗӨРЧИЛГҮЙ" итгэмжлэлийг хүлээн авлаа.

Нийтэлсэн: 2018 он 01 сар 23. 16 цаг 57 минут
Монгол Улсын Ерөнхий аудиторын 2015 оны 240 дүгээр тушаалаар баталсан "Санхүүгийн тайлангийн аудитад итгэл үзүүлэхэд баримтлах журам"-ын шаардлагыг хангаж байгаа тул Төрийн аудитын тухай хуулийн 18 дугаар зүйлийн 18.4-т заасны дагуу Өвөрхангай аймгийн "Статистикийн хэлтэс" -ийн 2017 оын санхүүгийн тайланд итгэл үзүүлж ИТГЭМЖЛЭЛ гардууллаа.
Дэлгэрэнгүй

Өвөрхангай аймгийн нийгэм, эдийн засгийн байдлын 2017 оны жилийн эцсийн танилцуулга хэвлэгдэн гарлаа.

Нийтэлсэн: 2018 он 01 сар 16. 16 цаг 28 минут
Өвөрхангай аймгийн нийгэм, эдийн засгийн үндсэн үзүүлэлтийн 2017 оны эмхэтгэлийг өмнөх жилүүдийнхтэй харьцуулан тухайн жилд хийгдсэн томоохон тооллого судалгааны үр дүн, шинээр нэмэгдсэн зарим үзүүлэлтээр баяжуулан мэдээлэл хэрэглэгч нарт хүргэж байна. Статистикийн эмхэтгэлийг хэрэглэгчдэд ойлгомжтой, хүртээмжтэй болгох зорилгоор үзүүлэлтийг тооцох аргачлал, нэр томьёоны тайлбар, тухайн салбарын онцлох мэдээллийг бүлэг бүрийн өмнө тодотгож, нийгэм эдийн засгийн таних тэмдгийг байршуулав. Мэдээллийн эрин зуунд хэрэглэгчдэд бага хугацаанд их мэдээлэл авах сонирхолтой болсон үед 2015 оноос статистикийн мэдээллийг зурган хэлбэрээр хэрэглэгчдэд хүргэхэд анхаарч, сар бүр үндсэн үзүүлэлтээр, тусгайлсан сэдвээр инфографик бэлтгэн нийтийн хүртээл болгож байна.
Дэлгэрэнгүй

Гол нэрийн барааны үнэ /06 сарын 27/
Гурил, I  зэрэг, кг        1200
Хонины мах, кг (ястай)          6500
Үхрийн мах, кг (цул)               8000
Ямааны мах, кг (ястай)        5000
Элсэн чихэр, кг                  2200
Цагаан будаа, кг                    2200
Шингэн сүү, л                           2500
Ноолуур, 1кг                      95000
Бензин, А-80, 1 литр                 1650
Бензин, А-92, 1 литр           1790
Дизелийн түлш, 1 литр     2100

ҮНИЙН ДИНАМИК татаж авах

 

https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/?ref=br_rs

 

Та статистик мэдээллийг байнга авч байхыг хүсвэл ЭНД ДАРЖ бүртгүүлнэ үү.