Өвөрхангай аймагт 2018 оны эхний 5 сарын байдлаар 256.6 мянган том мал зүй бусаар хорогдоод байна.

Нийтэлсэн: 2018 он 06 сар 11. 08 цаг 23 минут
Аймгийн хэмжээнд эхний 5 сарын байдлаар оны эхэнд тоологдсон нийт малын 4.5 хувьтай тэнцэх 256.6 мянган толгой том мал зүй бусаар хорогдоод байна. Нийт хорогдсон малын 0.02 хувь/42 тэмээ/-ийг тэмээ, 10.0 хувийг адуу, 8.9 хувийг үхэр, 35.7 хувийг хонь, 45.3 хувийг ямаа эзэлж байна. Хорогдлыг сумдаар авч үзвэл Бүрд суманд 41.9 мянган толгой мал буюу хамгийн олон мал хорогдсон байна. Есөнзүйл суманд 22.3 мянган толгой, Хужирт суманд 21.2 мянган толгой, Өлзийт суманд 20.4 мянган толгой, Хархорин суманд 20.0 мянган толгой, Баян-Өндөр суманд 19.0 мянган толгой, Хайрхандулаан суманд 17.2 мянган толгой, Сант суманд 16.0 мянган толгой, Баруунбаян-Улаан суманд 14.8 мянган толгой, Уянга суманд 13.0 мянган толгой, Тарагт суманд 11.2 мянган толгой, Нарийнтээл суманд суманд 10.1 мянган толгой, Бат-Өлзий суманд 9.9 мянган толгой, Арвайхээр суманд 7.4 мянган толгой, Баянгол суманд 5.9 мянган толгой мал тус тус хорогдсон, бусад сумдад 3.1 мянгаас доош толгой мал хорогдсон байна. Төгрөг суманд хамгийн бага буюу 444 толгой мал хорогджээ.
Дэлгэрэнгүй

Өвөрхангай аймгийн хүн амын хөдөлмөр эрхлэлтийн байдал ямар түвшинд байгаа талаарх танилцуулга мэдээлэл хэрэглэгч нарт хүрлээ.

Нийтэлсэн: 2018 он 06 сар 08. 03 цаг 56 минут
Хөдөлмөр эрхлэлтийн талаарх аймгийн мэдээ, мэдээлэл, статистик тоо баримтуудыг ашиглаж, өнөөгийн хөдөлмөр эрхлэлтийн байдал ямар түвшинд байгааг судлах, аймгийн хүн амын ажил эрхлэлт, ажилгүйдлийг нас хүйстэй нь уялдуулан судалж ажил эрхлэлтийг эдийн засгийн салбарын ангилалаар харуулан, хүн ам зүйн ачаалал, ажил эрхлэлт, ажилгүйдлийн түвшин зэрэг үзүүлэлийг тодорхойлон харуулсан танилцуулгыг энд дарж үзнэ үү.
Дэлгэрэнгүй

Хагас жилийн малын түүвэр судалгааны хяналтын баг сумдад ажиллав.

Нийтэлсэн: 2018 он 06 сар 08. 01 цаг 14 минут
ҮСХ болон аймгийн Статистикийн хэлтсийн хамтарсан баг Хагас жилийн малын түүвэр судалгааны ажлын явцад хяналт хийж, Бат-Өлзий, Хархорин сумдад ажиллав. Хяналтын баг сумдын ажлын хэсгийн зохион байгуулалт болон түүвэр судалгааны ажлын явцтай танилцаж, түүвэрт сонгогдсон айл өрхийн малыг зөв тоолсон эсэх, тооллогын маягт үнэн зөв бөглөсөн эсэх, сумдын статистик хариуцсан ажилтны мэдээ тайлангийн чанар үр дүнд хяналт хийж, алдаа дутагдал гарсан тохиолдолд сумын тооллогын ажлын хэсэгт арга зүйн зөвлөгөө өгч, хамтран ажиллалаа.
Дэлгэрэнгүй

Өвөрхангай аймагт "Хагас жилийн малын түүвэр судалгаа"-г зохион байгуулж явуулах бэлтгэл ажил хангагдаж 2018 оны 6 сарын 4-ний өдөр судалгааны ажлыг 19 суманд зэрэг эхлүүллээ.

Нийтэлсэн: 2018 он 06 сар 04. 11 цаг 11 минут
Өвөрхангай аймагт "Хагас жилийн малын түүвэр судалгаа"-г зохион байгуулж явуулах бэлтгэл ажил хангагдаж 2018 оны 6 сарын 4-ний өдөр судалгааны ажлыг 19 суманд зэрэг эхлүүллээ. Бэлтгэл ажлын хүрээнд Аймгийн засаг даргын захирамж гаргуулан, 19 сумын Санхүүгийн албаны дарга нарын семинар дээр "Хагас жилийн малын түүвэр судалгаа"-г зохион байгуулж явуулах талаар мэдээлэл хийж, маягт, аргачлал заавар, зардлыг хугацаанд нь хүргүүллээ.
Дэлгэрэнгүй

2018 оны эхний 4 сарын ӨВӨРХАНГАЙ АЙМГИЙН НИЙГЭМ, ЭДИЙН ЗАСГИЙН БАЙДАЛ танилцуулга хэвлэгдэн мэдээлэл хэрэглэгч нарт хүрлээ.

Нийтэлсэн: 2018 он 05 сар 15. 12 цаг 09 минут
2018 оны эхний 4 сарын ӨВӨРХАНГАЙ АЙМГИЙН НИЙГЭМ, ЭДИЙН ЗАСГИЙН БАЙДАЛ танилцуулга хэвлэгдэн мэдээлэл хэрэглэгч нарт хүрлээ. Дэлгэрэнгүйг татаж сонирхно уу.
Дэлгэрэнгүй

Статистикийн хэлтсийн дарга О.Түмэнжаргал Өвөрхангай аймгийн нийгэм, эдийн засгийн 2018 оны 4 сарын байдлын танилцуулгаар мэдээлэл хийлээ.

Нийтэлсэн: 2018 он 05 сар 15. 11 цаг 43 минут
Аймгийн Засаг даргын дэргэдэх Статистикийн хэлтсээс 2018 оны 5 сарын 15-ны өдрийн 11 цагт хэвлэлийн хурлыг хийлээ. Хуралд Арвайхээр, GMN телевизүүдийн сэтгүүлч нар оролцлоо. Аймгийн нийгэм, эдийн засгийн хөгжлийн 2018 оны эхний 4 сарын статистик мэдээллийг хэлтсийн дарга О.Түмэнжаргал хийж, сэтгүүлчдийн сонирхсон асуултад хариулт өглөө.
Дэлгэрэнгүй

"Худалдаачид-2018" худалдааны салбарын 100 төлөөлөгчийн уулзалт зөвлөгөөнд оролцлоо.

Нийтэлсэн: 2018 он 04 сар 19. 12 цаг 11 минут
Өвөрхангай аймагт зохион байгуулагдсан "Худалдаачид-2018" худалдааны салбарын 100 төлөөлөгчийн уулзалт зөвлөгөөнд Статистикийн хэлтсийн дарга О.Түмэнжаргал оролцож "Аймгийн дотоодын нийт бүтээгдэхүүн ба худалдаа эрхлэгчдийн статистик мэдээ тайлан гаргалт, анхаарах зүйл" сэдвээр илтгэл тавьж, хэлэлцүүлэгт оролцлоо.
Дэлгэрэнгүй

Санхүүгийн эрх зүйн зөвлөгөө, мэдээлэл өгөх “Нээлттэй өдөрлөг”-т оролцлоо.

Нийтэлсэн: 2018 он 04 сар 19. 11 цаг 38 минут
Санхүүгийн хэрэглэгчийн эрх ашгийг хамгаалах зорилгоор Аймгийн ЗДТГазар болон Өвөрхангай аймаг дахь Монголбанкны хэлтсийн хамтран зохион байгуулсан Санхүүгийн хэрэглэгчийн эрх ашгийг хамгаалах, бизнесийн эрх зүйн чиглэлээр иргэдэд зөвлөгөө өгөх “Нээлттэй өдөрлөг”-т Статистикийн хэлтсээс иргэдэд мэдээлэл өгч оролцлоо. Арилжааны банкууд Статистикийн мал тооллогын мэдээллийн санг үндэслэн малчны зээл олгож байгаа ба энэхүү мэдээллийн сангийн хэрэглээ болон мэдээллийн бодит байдал, чанарын тухай иргэдэд мэдээлэл өглөө. Мөн тус өдөрлөгт оролцсон иргэдэд Статистикийн хэлтсээс гаргаж буй бүтээгдэхүүнийг танилцуулж сурталчиллаа.
Дэлгэрэнгүй

Гол нэрийн барааны үнэ /11 сарын 14/
Гурил, I  зэрэг, кг        1200
Хонины мах, кг (ястай)          5200
Үхрийн мах, кг (цул)               7000
Ямааны мах, кг (ястай)        -
Элсэн чихэр, кг                  2000
Цагаан будаа, кг                    2200
Шингэн сүү, л                           3000
Ноолуур, 1кг                      70000
Бензин, А-80, 1 литр                 1930
Бензин, А-92, 1 литр           2070
Дизелийн түлш, 1 литр     2480

ҮНИЙН ДИНАМИК татаж авах

 

https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/?ref=br_rs

 

                

        Та санал, хүсэлтээ үлдээнэ үү.

Та статистик мэдээллийг байнга авч байхыг хүсвэл ЭНД ДАРЖ бүртгүүлнэ үү.