Арвайхээр сумын аж ахуйн нэгж, байгууллагын дарга, эрхлэгч, нягтлан бодогч нарт зориулсан Статистик мэдээ гаргах аргачлалын талаарх сургалтыг зохион байгууллаа.
Нийтэлсэн: 2018 он 04 сар 11. 15 цаг 15 минут
Арвайхээр сумын аж ахуйн нэгж, байгууллагын дарга, эрхлэгч, нягтлан бодогч нарт зориулсан Статистик мэдээ гаргах аргачлалын талаарх сургалтыг зохион байгууллаа. Сургалтад нийт 35 аж ахуйн нэгж байгууллагын холбогдох ажилтнууд оролцов. Сургалтыг Арвайхээр сумын ЗДТГазар болон аймгийн ХАҮТанхимтай хамтран зохион байгуулсан ба сургалтаар статистикийн хэлтсийн үйл ажиллагааны талаар таницуулж, статистик мэдээ, тайлан гаргах талаар дэлгэрэнгүй заавар, зөвлөмж өглөө.
Дэлгэрэнгүй
"Хөдөлмөрийн зах зээлийн мэдээлэл, орон нутаг дахь хамтын ажиллагаа" сургалт, семинарт аймгийн Статистикийн хэлтсийн мэргэжилтэн болон судлаачид амжилттай оролцож, цаашид хөдөлмөрийн зах зээлийн эрэлт, нийлүүлэлтийн тоон ба чанарын судалгаа хамтран зох
Нийтэлсэн: 2018 он 04 сар 06. 15 цаг 33 минут
Өвөрхангай аймагт Европын холбооны санхүүжилттэй "Техник, Мэргэжлийн Боловсрол, Сургалтын салбарыг дэмжих-2" төсөл хэрэгжиж эхэлж байгаа бөгөөд тус аймагт зохион байгуулагдсан "Хөдөлмөрийн зах зээлийн мэдээлэл, орон нутаг дахь хамтын ажиллагаа" сургалт, семинарт аймгийн Статистикийн хэлтсийн мэргэжилтэн болон судлаачид амжилттай оролцож, цаашид хөдөлмөрийн зах зээлийн эрэлт, нийлүүлэлтийн тоон ба чанарын судалгаа хамтран зохион байгуулахаар ажиллаж эхэллээ.
Дэлгэрэнгүй
Өвөрхангай аймгийн хөдөө аж ахуйн салбарын 2017 оны дэлгэрэнгүй танилцуулга мэдээлэл хэрэглэгч нарт хүрлээ.
Нийтэлсэн: 2018 он 04 сар 02. 16 цаг 28 минут
Манай улсын үндсэн хуулинд мал сүргийг үндэсний баялаг мөн гэж томъёолж, энэ ч утгаараа мал тооллогыг улсын хэмжээнд жил бүр зохион байгуулж, үр дүнг нь макро түвшинд хийгддэг тооцоо, судалгаанд ашиглаж, салбарын талаар удирдлагын шийдвэр гаргах мэдээллийн гол эх үүсвэр болгон ашиглаж байна.
Статистикийн тухай Монгол Улсын хуулийн 7 дугаар зүйлийн 1 дэх заалт, Монгол Улсын Засгийн газрын 2003 оны 224 дүгээр тогтоолын дагуу статистикийн хэлтэс мал, тэжээвэр амьтад, тэжээлийн тооллогыг аймгийн хэмжээнд явуулж үр дүнг нэгтгэн гаргадаг.
Мал тооллогын дүнг нэгтгэн дүгнэсэн энэхүү танилцуулга нь мал аж ахуйн салбарын өнөөгийн байдалд дүгнэлт хийж, цаашид авч хэрэгжүүлэх арга хэмжээг боловсруулах, төлөвлөхөд суурь мэдээлэл нь болох юм.
Дэлгэрэнгүй
Олон улсын эмч нарын эрхийг хамгаалах өдөр тохиож байна.
Нийтэлсэн: 2018 он 03 сар 30. 14 цаг 31 минут
Гуравдугаар сарын 30-ны энэ өдрийг дэлхий нийтийн хэмжээнд эмч нарын эрхийг хамгаалах өдөр болгон тэмдэглэдэг уламжлалтай билээ. Тэртээ 1933 онд Эдора Браун гэгч Америк эмч мэдээгүйжүүлэх тариа хэрэглэн өвчтөнд ямар ч өвдөлт мэдрүүлэлгүйгээр хоолойн хавдрыг авч байсан түүхтэй юм. Энэхүү арга нь эрүүл мэндийн салбарт шинэ нээлт болж, мэс заслын шинжлэх ухаан болон хөгжсөн юм. Тиймээс 1991 онд АНУ-ын Ерөнхийлөгчийн дэмжлэгтэйгээр энэ өдрийг Олон улсын эмч нарын эрхийг хамгаалах өдөр болгон тэмдэглэж заншжээ. Уг өдрөөр эдгэрч эрүүл болсон хүмүүс эмчдээ чин сэтгэлийн үгээ хэлж талархалаа илэрхийлдэг юм. Өвөрхангай аймгийн хэмжээнд 2017 оны жилийн эцсийн байдлаар нийт 258 их эмч ажиллаж байна. Нийт эрүүл мэндийн салбарын ажилчиддаа баярын мэнд хүргэе.
Дэлгэрэнгүй
Статистикийн хэлтсийн ажилтнууд, статистикийн улсын байцаагч нарын хамт 2018 оны ажлын төлөвлөгөөний дагуу зарим сумдад ажиллалаа.
Нийтэлсэн: 2018 он 03 сар 23. 18 цаг 07 минут
Статистикийн хэлтсийн даргын баталсан 2018 онд сумдад ажиллах графикийн дагуу 2018 оны 3 сарын 22-23-ны өдрүүдэд эхний 2 сумдад ажиллалаа. Тус хэлтсийн дарга болон Аймгийн Эрүүл мэндийн газрын статистикийн улсын байцаагч, хэлтсийн мэргэжилтнүүд Хайрхандулаан, Нарийнтээл сумдад ажиллан ЗДТГазрын статистикийн асуудал эрхэлсэн ажилтнууд, багийн Засаг дарга нар мөн сумын эрүүл мэндийн төвийн статистик хариуцсан ажилтнууд, эмч мэргэжилтнүүдэд анхдагч мэдээний үндэслэл, бодит байдал дээр анхаарч ажиллах тал дээр зөвлөн тусалж, статистик мэдээллийг тархаах, сурталчилах тал дээр арга зүйн зөвлөгөө өгч, хамтарч ажиллав.
Дэлгэрэнгүй
Математик, статистик загварчлалын улсын анхдугаар уралдаан зохион байгуулж байна.
Нийтэлсэн: 2018 он 03 сар 21. 10 цаг 48 минут
Үндэсний статистикийн хороо нь Ерөнхий боловсролын сургуулийн 10-12 дугаар ангийн сурагчдын дунд бодит амьдралд тулгамдаж буй асуудлыг статистикийн мэдээлэлд тулгуурлан математик, статистикийн арга техникийг ашиглан шийдвэрлэх, судалгаа хийх, илтгэл бичих, дүн шинжилгээ хийх чадавхыг хөгжүүлэх зорилготой “Тогтвортой хөгжлийн зорилго-2030 ба хуванцар хог хаягдлын аюул” сэдэвт Математик, статистик загварчлалын улсын анхдугаар уралдааныг Монголын математикийн багш нарын академи болон Монгол Улсын их сургуулийн Хэрэглээний Шинжлэх Ухаан, Инженерчлэлийн Сургуулийн Хэрэглээний математикийн тэнхимтэй хамтран зохион байгуулж байна.
Дэлгэрэнгүй
Статистикийн хэлтсээс сумдын Эрүүл мэндийн төвийн эрхлэгч болон статистикч эмч нарын сургалтанд мэдээлэл хийлээ.
Нийтэлсэн: 2018 он 02 сар 07. 14 цаг 13 минут
Аймгийн Засаг Даргын дэргэдэх Статистикийн хэлтсийн дарга О.Түмэнжаргал 2018 оны 02 сарын 06-нд сумдын Эрүүл мэндийн төвийн эрхлэгч болон статистикч эмч нарын сургалтанд хамтран оролцож, Статистикийн хэлтсийн үйл ажиллагааны талаар болон статистик мэдээ, тайлан гаргахад анхаарах асуудлуудын талаар мэдээлэл хийлээ.
Дэлгэрэнгүй
"ОНГИЙН ЖАВАР 2018" арга хэмжээнд оролцлоо.
Нийтэлсэн: 2018 он 02 сар 05. 17 цаг 31 минут
Өвлийн аялал жуулчлалыг хөгжуулэх, үндэсний уламжлалт мөсний наадгай тоглоом, өвлийн спортын төрлийг сурталчилан таниулах, нийтийн биеийн тамирыг хөгжүүлэх зорилгоор зохион байгуулсан "ОНГИЙН ЖАВАР 2018" арга хэмжээнд Статистикийн хэлтэс нь аймгийн БОАЖГ, ОТГСГЗахиргаа, Аудитын газартай хамтран баг болон оролцож хэлтсийн ажилтан Д.Чулуунцэцэг "Үндэсний хувцастай сайхан хос" төрөлд хосын хамт тэргүүн байр эзэлж, багийн дүнгээр тэргүүллээ.
Дэлгэрэнгүй
