Монгол Улсын Үндсэн хуульд нэмэлт, өөрчлөлт оруулах талаар зөвлөлдөх санал асуулгын 1, 2 дахь шатны санал асуулгыг Статистикийн байгууллага явуулж байна.

Нийтэлсэн: 2017 он 04 сар 24. 17 цаг 20 минут

2017 онд УИХ-аар Зөвлөлдөх санал асуулгын тухай хууль батлагдан гарсан болно.

            Уг хуулийн 3.1.1 дүгээр заалтанд “Зөвлөлдөх санал асуулга” гэж нийтийн ашиг сонирхолыг хөндсөн асуудлаар энэ хуулийн 3.1.3-т заасан этгээд шийдвэр гаргахын өмнө болон түүнийг хэрэгжүүлж, сахин мөрдөж байгаа байдлын талаар тохиолдолын зарчмаар түүвэрлэн сонгосон иргэдээс тусгай бэлтгэсэн асуултаар санал авах замаар иргэдийг төрийн үйл хэрэгт оролцуулах цогц үйл ажиллагааг хэлнэ.  Мөн хуулийн 10.3.3-т “Зөвлөлдөх санал асуулгаар санал авах ажлыг Статистикийн байгууллага гүйцэтгэнэ”...” гэж заасан байна.

            Монгол Улсын Үндсэн хуульд нэмэлт, өөрчлөлт оруулах талаар зөвлөлдөх санал асуулга орон даяар явагдах товыг УИХ-аар баталсан бөгөөд  1 дүгээр шатны санал асуулга нь 2017 оны 4 дүгээр сарын 12-20-нд, 2 дугаар шатны санал асуулга нь  4 дүгээр сарын 29-30-ны өдрүүдэд зохион байгуулагдахаар боллоо. 

            Улсын хэмжээнд санамсаргүй түүврийн аргаар сонгогдсон 1570 хүн санал асуулгын 1 дүгээр шатанд оролцож байна. Энэ ажлыг аймгийн Статистикийн хэлтэс зохион байгуулж байгаа бөгөөд 1 шатны санал асуулга явагдаж дууссан болно.

            Өвөрхангай аймгаас санамсаргүй түүврийн аргаар 60 хүн сонгогдон зөвлөлдөх санал асуулгын 1 дүгээр шатанд оролцсон бөгөөд эдгээр хүмүүсийн 50 хувь нь 2017 оны 4 дүгээр сарын 29-30-нд Төрийн ордонд зохион байгуулагдах зөвлөлдөх санал асуулгын 2 дахь шатны хэлэлцүүлэг, санал асуулгад урилгаар оролцох юм.  Зөвлөлдөх санал асуулгын 2 дугаар шатанд оролцох иргэдийн нэрсийг дахин санамсаргүй түүврийн аргаар сонгох юм байна.


Сэтгэгдэл бичих

Гол нэрийн барааны үнэ /03 сарын 28/
Гурил, I  зэрэг, кг        1200
Хонины мах, кг (ястай)          5500
Үхрийн мах, кг (цул)               6000
Ямааны мах, кг (ястай)        5000
Элсэн чихэр, кг                  2200
Цагаан будаа, кг                    2200
Шингэн сүү, л                           3000
Ноолуур, 1кг                      100000
Бензин, А-80, 1 литр                 1650
Бензин, А-92, 1 литр           1790
Дизелийн түлш, 1 литр     2120

 ҮНИЙН ДИНАМИК татаж авах

 

https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/https://www.facebook.com/%D3%A8%D0%B2%D3%A9%D1%80%D1%85%D0%B0%D0%BD%D0%B3%D0%B0%D0%B9-%D0%B0%D0%B9%D0%BC%D0%B3%D0%B8%D0%B9%D0%BD-%D0%A1%D1%82%D0%B0%D1%82%D0%B8%D1%81%D1%82%D0%B8%D0%BA%D0%B8%D0%B9%D0%BD-%D1%85%D1%8D%D0%BB%D1%82%D1%8D%D1%81-1662528420672631/?ref=br_rs

 

Та статистик мэдээллийг байнга авч байхыг хүсвэл ЭНД ДАРЖ бүртгүүлнэ үү.